ZAKAT
SAWAL
ZAKAT KIN KIN LOGON KO DE SAKTE HAI ?
JAWAB
Har woh shakhs jo asli zaroorat yani istiamal ki cheezon aur qarzah ho to Ada karne ke baad sadi bawan tola 612.35 gram chandi ki qeemat ke kisi bhi qism ke maal ka malik na ho.
to woh zakat le sakta hai.
agarche tandurast ho aur kamata bhi ho.
Agar kisi ke paas zaroorat se zaid maal yani 3 jodi se zaid kapre,do jodi se zaid chappal, show cash ke bartan ho,tv, Na Jaiz khel ki cheezen, zaroorat se zaid plot wagair istiamal me na aanewaki cheezen ho in me se ek ya baz cheezon ki qeemat sadi bavan tola 612.55 gram chandi ko pahonch jaye to ye shakhs zakat nahi le sakta.
agarche be rozgar ho,aesi awrat bewa ho.
Niche likhe huwe hazrat ko zakat de sakte hai.
1. haqeqee, maa sharik, bap sharik, dudh sharik bhai-bahan aur in ki awlad
2. apne chacha, fufi aur in ki awlad
3. apne mamu, khala aur in ki awlad
4. apne sotele maa bap aur un ki awlad
5. apne khusar-sasre, saas Aur un ki awlad
6. maldar awlad ke walidain jo ke mustahiqe zakat ho
7. maldar ki balig awlad jo ke mustahiqe zakat ho
8. maldar ki bivi jo ke mustahiqe zakat ho
9. maldar bivi ka shohar jo ke mustahiqe zakat ho
10. apne damad, bahu
11. shagird ka ustaz ko aur ustaz ka shagird ko
12. shohar apni bivi ki aesi awlad ko dena jo Us ke agle shohar se ho
13. bivi ka apne shohar ki aesi awlad ko dena jo Us ki pehli bivi Se ho
14, musafir ko jab ke safar me us ke paas maal na ho (is zamane me atm ka card aur us se nikalne ki qudrat na ho) agarche Us ke pas ghar par nisab ke baqadr mal ho.
15. na balig muhtaj jab ke us ka baap sahibe nisab na ho lekeen maa sahibe nisab ho
17. kisi ki 10,000 (das hazar) ki amdani hai lekeen kharch 12,000 (barah hazar) ka hai agarche zati makan aur gadi bhi ho
18. jis shakhs ki amdani kafi hai lekeen maqrooz ho, qarz kisi tarah Ada na kar sakta ho.
?ye tamam hazrat mustahiqe zakat ho to in ko zakat di ja sakti hai aur un ko ye bhi batlana zarooree nahi ke ye zakat hai. dil me niyyat karna Kafi hai.
?ahsanul fatawa 4/254
?masaile zakat (rafat) safa 284,285
SAWAL
KIN KIN LOGON KO ZAKAT NAHI DE SAKTE??
JAWAB
in logon ko zakaat dena jaiz nahi.
1. Apne baap, dada, dadi, par dada, par dadi.. upar tak
2. apni maa, nana, nani, par nana, par nani... upar tak
3. apne haqeeqee ladke, pote, potiyan, Par pote, par potiyan.. niche tak
4. apni haqeeqi ladki,nawase, nawasiyan,par nawase, par nawasiyan.. niche tak
5. shohar ka apni biwiko zakat dena iseetarah biwi Ka apne shohar ko zakat dena jaiz nahi
6. aysi talaq shudah awrat jo iddat guzar rahi ho us ke shohar ka us ko zakat dena na jaiz hai
7. maaldar sahibe nisab ki muhtaaj nabalig awlad ko
8. jo awrat bewa malike nisab hai us ko aur Us ke na balig bachche ko
9. madrasah Ke ustaz ko aur masjid Ke imam ko zakat ke rupiye se tankhaa dena na jaiz hai
10. Huzoor SALALLAHU ALAIHI WASALLAM ke khandan walon ko zakar jo ke hamare malon ka mel hai dena Jaiz nahi agar woh gareeb hai to zakat ke alawaa Ka rupiya den
11. maaldar malike nisab ko
12. zakat Ka rupiya masjid ki, madrasah ki, khanqah ki, musafir khane ki, yateem khane ki, school ki, aam raston ki tameer me, kunwe, boring aur nahron ki khudai Me dena Jaiz nahi.
13. zakar ke rupiye se kafan khareedna, qabarsatan ki zameen khareedna na Jaiz hai
14. woh tamam surten Jis me mustahiq ko bila aewaz bila shart hamesha ke liye malik banana paya nahi jata wahan zakat dene se zakat ada na hogi
? masaile zakat (rafat) safa 285,286 se makhooz kai urdu fatawon ke hawalon ke sath
Aaj ka sawal
kon kon se qarzon ko zakat ke nisab se minus (baad) kiya jayega aur kon kon se qarzon ko mainus (baad) nahi kiya jayega.?
Jawab
Har woh qarz jis ka mutalaba bandon ki taraf se ho us ko baad kiya jayega yani in qarzon par zakat wajib nahi
jaise
1. Naqad rupiye ka qarza
2. Khareede huwe saaman ka qarza
3. Kisi se saaman-gadi ka nuqsan kiya ho us ka jurmana-penalty
4. Kisi ka jani nuqsan kiya ya zakhmi kiya ho us ka jurmana- penalty
5. Guzishta sal ki zakat nikalna baqi ho to us ki raqam.
6.Bivi ne khulaa-shohar ko pese dene ka wada kar ke talaq li ho us ka qarza
har woh dain (debts) jiska ka mutalaba huqooqullah ki taraf se ho us ko minus [baad] nahi kiya jayega balke us ki raqam jama ki ho to saal pura hone ke waqt us par bhi zakat wajib hogi jaise.
1. Qasam, roze todne ke kaffarah ki raqam
2 .mannat-nazar ko pura karni ki raqam
3. Sadqah e fitr ada karna baqi ho us ki raqam
5. Haj umrah ke liye pese jama kiye ho us ka rupiya
6. Aayindah naya makan, nayi dukan lena ka iradah ho us ki jama ki hui raqam
7. Shadi karne ya jahez dene ke liye jama ki hui raqam
kitabul masail 3/146,147 se makhooz
SAWAL
Zakat ka nisab banane me kon, kon si cheezon ko gina jayega aur kon kon see cheezon ko nahi gina jayega ?
Yani zakat kin cheezon par farz hai aur kin cheezon par nahi?
JAWAB
sona, chandi, naqad rupiya aur bechne ki niyyat se khareeda huwa koi bhi maal, masalan plot,zameen,flat,makan, share, dukan ka har woh maal jo saal bhar rakhne se kharab nahi hota.
Kiraye amdani,wirasat ya hadiye me mila huwa rupiya
in tamam cheezon ki qeemat lagai jayegi.
Sone chandi ke alawah Har woh cheez jo istemal ki jati hai masalan fridge,washing machine, oven,har qism ki gadi (car,two wheels, cycle) mobile,ghar ke bartan, showcash ke bartan, ghar ka furniture, kapade, imitation jawelery, hifazat ke liye rakhe gaye hathyar, ghar me rakha huwa khane pine ka zakhirah, istiamal ke hire, moti, parhne ki kitaben wagairah aur dukan,karkhane, factories ki istiamal ki machineries wagairah zaroorat ki chezen,
Kiraye par dee hui koi bhi cheez makan, dukan,har qism ki gadi par zakat farz nahi.
jo cheez bechne ki niyat se na khareedi ho masalan ayindah rehne ke liye ya bachchon ko dene ke liye khareeda huwa makan, flat,zameen wagairah
jo maal kharab ho jata hai masalan gosht, sabzi, fruit, dudh Aur dudh se bani hui cheezen me zakat farz nahi lihaza nisab banane me is tamam cheezon ko nahi shumar karenge.
masaile zakat safa 51,61,88
Masaile zakat 2/145
Sawal
Har cheez ki zakat kon see qeemat par nikalni hai..?
Khareed [buying]qeemat par ya bikree [selling] vechan qeemat par ?
Jawab
Har cheez ki zakat bikree qeemat [selling] par nikalni hai na ke khareed qeemat par,
chahe qeemat zayada ho gai ho ya kam ho qai ho.
Kiyun ke use bechte hi paise ki shakal me maal badal sakta hai.
(fatawa usmani jild 2 safa 50 ba hawala burhan sharhe mawahibur rahman 1/507 badaiyus sanaia 2/22)
Sawal
Agar zakat ki raqam se makan kiraye [rent] per len our wo makan garibo ko rehne den yani tameer me zakat ke paise istemal kar sakte hen..??
Jawab
Is tarah zakat ke paiso se zameen kharidna ya makan tameer karna durust nahi, zakat adaa nahi hogi,
Zakat ki adaygi ke liye mustahiq ko maalik banana shart he our wo yahan nahi payi jarahi hai.
(mustafad...fatawa rahimiya jadeed 4,40 bahawalatahttawi)
SAWAL
Zakat kis par wajib hai..?
JAWAB
jis ke paas saal ke shurooa aur saal ke akhir me [sare bavan tola] 612 gram 35 ml. gram chaandi ho ya [sare saat tola] 87 gram 479 ml. gram sona, qarza adaa karne ke baad bachta ho, us par zakat vajib hai.
ya sare bavan tola chandi ki qeemat aaj 6 jun 2015 ke hisab se 22650 rs ki qeemat ke baqadr zakat ka maal qarza Adaa karne ke baad mavjood ho to bhi zakat wajib hai.
Masalan 1 tola sona hai aur 500 rs naqad hai aur qarza nahi hai to uspar zakat wajib hai
Ya bechne ka kuchh maal hai aur kuchh naqad paise hai aur dono ko milaya jaye to chaandi ke nisab ki qeemat tak qarza adaa karne ke baad pahonch jata hai to us par saal ke khatma par zakat wajib hai, saal ke darmiyan me maal nisab se kam ho jaye to us ka aetibar nahi.
Sona, chandi, naqad, maal-e-tijarat in charon ko ya baaz ko milaya jaye to chaandi ke nisab ki qeemat ko pahonch jaye to bhi zakat vajib hai.